"Манчестер Сити" "Арсенал" билан сафар ўйинида жуда эҳтиёткор тактика танлади. Хосеп Гвардиола жамоаси кўп вақтини ҳимояда ўтказди, аммо ғалаба қозониши ҳам мумкин эди. "Шаҳарликлар" тўққизинчи дақиқадан Эрлинг Холанднинг голидан кейин олдинда бораётганди, бироқ иккинчи бўлимга қўшиб берилган дақиқаларда Габриэль Мартинелли ҳисобни тенглаштирди.
"Манчестер Сити" ўйин вақтининг атиги 32,8 фоизида тўпга эгалик қилди. Бу Гвардиоланинг мураббийлик фаолиятидаги энг ёмон кўрсаткич, агар топ-лига ўйинлари ҳақида гапирадиган бўлсак. Бу ҳақда Opta хабар бермоқда.
Аввалроқ, "Манчестер Сити" 2023 йилнинг март ойида ҳам "Арсенал"га қарши ўйинда энг ёмон кўрсаткични қайд этганди - 36,5 фоиз.
Хосеп Гвардиола мураббий сифатида топ-лигаларда жами 601 та ўйин ўтказган.
