Andrey Lunin yozda "Galatasaroy", "Fenerbaxche" va "Real Ovyedo" takliflarini rad etib, Madridning "Real" klubida qolishga qaror qildi. Bu haqda Marca xabar bermoqda.
Lunin hozirda asosiy darvozabon Tibo Kurtua bo‘lishini va belgiyalik jarohat olgan taqdirdagina maydonga tushish imkoniyati paydo bo‘lishini tushunib turibdi. Shunga qaramay, 26 yoshli ukrainalik klub va Madriddagi hayotdan mamnun va o‘z imkoniyatini kutib, mashg‘ulotlarda xotirjam ishlashga tayyor.
Avvalroq, Kurtua jarohat olganida, Lunin o‘zini ko‘rsatish imkoniyatiga ega bo‘lgandi: o‘shanda Andrey asosiy futbolchiga aylangan va "Real"dagi eng yaxshi natijalarini ko‘rsatgan, jumladan, Chempionlar Ligasi doirasida "Manchester Siti"ga qarshi o‘yinda penaltilar seriyasida jamoani keyingi bosqichga olib chiqqan.
Eslatib o‘tamiz, Luninning "qaymoqranglilar" bilan shartnomasi 2030 yilga qadar imzolangan.
