Андрей Лунин ёзда "Галатасарой", "Фенербахче" ва "Реал Овьедо" таклифларини рад этиб, Мадриднинг "Реал" клубида қолишга қарор қилди. Бу ҳақда Marca хабар бермоқда.
Лунин ҳозирда асосий дарвозабон Тибо Куртуа бўлишини ва бельгиялик жароҳат олган тақдирдагина майдонга тушиш имконияти пайдо бўлишини тушуниб турибди. Шунга қарамай, 26 ёшли украиналик клуб ва Мадриддаги ҳаётдан мамнун ва ўз имкониятини кутиб, машғулотларда хотиржам ишлашга тайёр.
Аввалроқ, Куртуа жароҳат олганида, Лунин ўзини кўрсатиш имкониятига эга бўлганди: ўшанда Андрей асосий футболчига айланган ва "Реал"даги энг яхши натижаларини кўрсатган, жумладан, Чемпионлар Лигаси доирасида "Манчестер Сити"га қарши ўйинда пенальтилар сериясида жамоани кейинги босқичга олиб чиққан.
Эслатиб ўтамиз, Луниннинг "қаймоқранглилар" билан шартномаси 2030 йилга қадар имзоланган.
