Madridning "Atletiko" klubi bosh murabbiyi Diyego Simeone "Malyorka"ga qarshi o‘yin borasida fikr bildirdi. Ispaniya chempionati 5-turidan o‘rin olgan uchrashuv 1:1 hisobida yakunlandi.
"Jamoa yaxshi o‘yin o‘tkazdi: o‘yinni nazorat qildik, raqibni himoyalanishga majbur qildik, golli vaziyatlar yaratdik, ammo samaradorlik yetishmadi, bu hal qiluvchi omil bo‘ldi. Mehnat ko‘rinib turibdi: o‘yinchilar biz taklif qilgan yo‘ldan bormoqda. O‘yin biz rejalashtirganimizdek o‘tdi," - deya Simeonening so‘zlarini keltiradi AS.
