2026 yilda Indoneziya mezbonlik qiladigan futzal bo‘yicha Osiyo kubogiga saralash bahslari bo‘lib o‘tmoqda. "F" saralash guruhiga Bishkek shahri mezbonlik qilmoqda.

O‘zbekiston terma jamoasi bugun guruhdagi ikkinchi o‘yinni o‘tkazdi. Nodir Eliboyev jamoasiga bu safar Sharqiy Timor raqiblik qildi. Jamoamiz mazkur o‘yinda 7:1 hisobida g‘alaba qozondi.

Termamiz safida Shahzodjon Sadiyev dublga erishgan bo‘lsa, yana besh futzalchi bittadan gol muallifi bo‘ldi. Jamoamiz birinchi bo‘limda raqib darvozasini bir marta ishg‘ol qilgan bo‘lsa, ikkinchi taymda 4 marta Timor darvozasiga yo‘l topdi. Raqib esa 37-daqiqada bitta javob to‘pini kiritdi.

O‘zbekiston 1-turda ham Falastinni 7:1 hisobida mag‘lub etgandi. Shu bois, jamoamiz Osiyo kubogi yo‘llanmasini deyarli hal qildi. 24 sentyabr kuni futzalchilarimiz Qirg‘izistonga qarshi maydonga tushadi. Bu jamoa birinchi turda Sharqiy Timorni 9:1 hisobida mag‘lub etgan bo‘lsa, bugun Falastinga qarshi maydonga tushadi.

Eslatib o‘tamiz, 8ta saralashguruhi g‘oliblari va ikkinchi o‘rinni egallaganlar orasida eng yaxshi ko‘rsatkichga ega bo‘lgan 7 ta jamoa Osiyo kubogi final bosqichiga chiqadi.

Osiyo kubogi-2026 saralash uchrashuvi
2-tur, 22-sentyabr 2025-yil
"F" guruhi
SHARQIY TIMOR – O‘ZBEKISTON – 1:7 (0:3)
Gollar:
0:1 — Mashrab Odilov (2')
0:2 — Husniddin Nishonov (3')
0:3 — Eldor Nig‘matov (17')
0:4 — Shahzodjon Sadiyev (27')
0:5 — Muzaffar Ahadjonov (34')
0:6 — Shahzodjon Sadiyev (34')
1:6 — Ruben Fariya Borges (37')
1:7 — Elbek To‘lqinov (40')
Ogohlantirishlar: Aleks da Kruz (7'), Domingos Gama (18')