2026 йилда Индонезия мезбонлик қиладиган футзал бўйича Осиё кубогига саралаш баҳслари бўлиб ўтмоқда. "F" саралаш гуруҳига Бишкек шаҳри мезбонлик қилмоқда.
Ўзбекистон терма жамоаси бугун гуруҳдаги иккинчи ўйинни ўтказди. Нодир Элибоев жамоасига бу сафар Шарқий Тимор рақиблик қилди. Жамоамиз мазкур ўйинда 7:1 ҳисобида ғалаба қозонди.
Термамиз сафида Шаҳзоджон Садиев дублга эришган бўлса, яна беш футзалчи биттадан гол муаллифи бўлди. Жамоамиз биринчи бўлимда рақиб дарвозасини бир марта ишғол қилган бўлса, иккинчи таймда 4 марта Тимор дарвозасига йўл топди. Рақиб эса 37-дақиқада битта жавоб тўпини киритди.
Ўзбекистон 1-турда ҳам Фаластинни 7:1 ҳисобида мағлуб этганди. Шу боис, жамоамиз Осиё кубоги йўлланмасини деярли ҳал қилди. 24 сентябрь куни футзалчиларимиз Қирғизистонга қарши майдонга тушади. Бу жамоа биринчи турда Шарқий Тиморни 9:1 ҳисобида мағлуб этган бўлса, бугун Фаластинга қарши майдонга тушади.
Эслатиб ўтамиз, 8та саралашгуруҳи ғолиблари ва иккинчи ўринни эгаллаганлар орасида энг яхши кўрсаткичга эга бўлган 7 та жамоа Осиё кубоги финал босқичига чиқади.
Футзал бўйича Осиё кубоги-2026 саралаши
Ўзбекистон - Шарқий Тимор 7:1
Голлар: 1:0 — Машраб Адилов (2'), 2:0 — Ҳусниддин Нишонов (3'), 3:0 — Элдор Нигматов (17'), 4:0 — Шаҳзоджон Саъдиев (27'), 5:0 — Музаффар Аҳаджонов (34'), 6:0 — Шаҳзоджон Саъдиев (34'), 6:1 — Рубен Фариа Боргес (37'), 7:1 — Элбек Тўлқинов (40')
Ўзбекистон: (бошланғич бешлик) Шавкат Ибрагимов, Машраб Адилов, Илҳомжон Ҳамроев, Акбар Усмонов, Ҳусниддин Нишонов.
Захира: Аббосбек Ўлмасбeков, Аброр Ахмeдзянов, Давлат Ибрагимов, Шаҳзоджон Саъдиев, Элбек Тўлқинов, Беҳруз Самиев, Музаффар Ахаджонов, Элдор Нигматов, Муҳаммадали Хусанбоев.
