"Manchester Siti" bosh murabbiyi Pep Gvardiola ertaga bo‘lib o‘tadigan Angliya kubogi 1/16 finalidan o‘rin olgan "Xaddersfild"ga qarshi o‘yindan oldin Abduqodir Husanov haqida fikr bildirdi.
«Aytish mumkinki, Abduqodir Husanov chap qanot himoyasidan tashqari himoyaning istalgan chizig‘ida o‘ynay oladi. U o‘yinni his qiladi, ishonchli, barqaror va jismoniy jihatdan ayni kuchga to‘lgan Kayl Uokerga o‘xshaydi. U aql bovar qilmas darajada diqqatini jamlagan, o‘rganishga chanqoq. U haqiqatan ham juda yaxshi ko‘rindi. O‘zbekistondan Fransiyaga ko‘chib o‘tish va biz uchun og‘ir mavsumda moslashish tajribasi... Bizda mavjud tizimga tez moslashmoqda. O‘ylaymanki, uni navbatdagi ko‘p yillar davomida eng yaxshi xarid sifatida his qilib yashaymiz», - dedi ispaniyalik mutaxassis.
