"Barselona"ning qanot himoyachisi Alexandro Balde umumiy guruh mashg‘ulotlariga kirishdi. Bu haqda Diario Sport xabar bermoqda.

Manbaga ko‘ra, bugun, 23 sentyabr kuni futbolchi mashg‘ulotlardan birida mushaklariga yetkazilgan jarohatdan 20 kun o‘tib, umumiy guruhga qaytgan. Shu bilan birga, ta’kidlanishicha, "Barselona" murabbiylar shtabi tavakkal qilmaydi, shuning uchun Balde "Real Ovyedo"ga qarshi bo‘lajak o‘yinni o‘tkazib yuboradi.

Joriy mavsumda Balde Ispaniya chempionatida uchta o‘yinda maydonga tushdi.

"Ovyedo" va "Barselona" o‘rtasidagi uchrashuv 25 sentyabr kuni bo‘lib o‘tadi.