Xulian Alvares La Liga o‘yinida het-trik qayd etganidan so‘ng, o‘z fikrini bildirdi.
"Atletiko" hujumchisi Ispaniya chempionati doirasida "Rayo Valyekano"ga qarshi o‘yinda (3:2) uchta gol urdi.
"Biz uch ochko to‘plashimiz va g‘alaba orqali o‘zimizga ishonch hosil qilishimiz kerak edi. O‘tgan o‘yinlarda yaxshi o‘ynadik, ammo kichik detallar tufayli natijaga erisha olmadik. G‘alabali seriyani davom ettirish uchun astoydil ishlashda davom etish kerak," - dedi argentinalik.
27 sentyabr kuni "Atletiko" derbida "Real"ni qabul qiladi.
"Biz dam olishimiz va muxlislarimiz oldida uy o‘yiniga e’tibor qaratishimiz kerak. Bu ajoyib shou bo‘ladi. Uch ochko olish uchun qo‘limizdan kelganini qilamiz," - dedi Xulian Alvares.
