Хулиан Альварес Ла Лига ўйинида ҳет-трик қайд этганидан сўнг, ўз фикрини билдирди.
"Атлетико" ҳужумчиси Испания чемпионати доирасида "Райо Вальекано"га қарши ўйинда (3:2) учта гол урди.
"Биз уч очко тўплашимиз ва ғалаба орқали ўзимизга ишонч ҳосил қилишимиз керак эди. Ўтган ўйинларда яхши ўйнадик, аммо кичик деталлар туфайли натижага эриша олмадик. Ғалабали серияни давом эттириш учун астойдил ишлашда давом этиш керак," - деди аргентиналик.
27 сентябрь куни "Атлетико" дербида "Реал"ни қабул қилади.
"Биз дам олишимиз ва мухлисларимиз олдида уй ўйинига эътибор қаратишимиз керак. Бу ажойиб шоу бўлади. Уч очко олиш учун қўлимиздан келганини қиламиз," - деди Хулиан Альварес.
