Kolumbiyaning "Fortalesa" klubi tayanch yarim himoyachisi Kristian Orosko faoliyatini Angliyaning "Manchester Yunayted" klubida davom ettiradi. Bu haqda jurnalist Pipe Siyerra xabar bermoqda.
Manbaga ko‘ra, "qizil iblislar" Kolumbiya o‘smirlar terma jamoasi sardori bilan mehnat shartnomasini imzolash bo‘yicha dastlabki kelishuvga erishgan. Ta’kidlanishicha, Orosko 2026 yil iyul oyida 18 yoshga to‘lganida Angliyaga yo‘l oladi.
Orosko Kolumbiya U17 terma jamoasi safida to‘qqizta o‘yinda maydonga tushgan. Bu uchrashuvlarda u samarali harakatlar bilan o‘zini ko‘rsata olmadi, ammo naqd beshta sariq kartochka oldi.
