Shu hafta Ispaniya chempionatidan o‘rin olgan "Real" - "Levante" uchrashuvi bo‘lib o‘tdi. Unda Xabi Alonso shogirdlari 4:1 hisobidagi yirik g‘alabani tantana qildi. "Qirollik klubi" safida yulduz hujumchi Kilian Mbappe dubl qayd etdi.

Realmadridconfidencial xabariga ko‘ra, yulduz fransuz Ispaniya La Ligasida "qaymoqranglilar"ning 40 ta o‘yinida 38 ta gol urgan. Mbappe portugaliyalik to‘purar Krishtianu Ronalduning natijasini ortda qoldirdi. Besh karra "Oltin to‘p" sohibi madridliklar safida chempionatdagi dastlabki 40 ta o‘yinda 37 ta gol urgan.

Kilian joriy mavsum La Ligada 6 ta o‘yin o‘tkazib, 7 ta gol urishga muvaffaq bo‘ldi.