Saudiya Arabistonining "Al-Hilol" klubi 28 yoshli portugaliyalik yarim himoyachisi Ruben Nevesh Yevropaga qaytishni istamoqda. Bu haqda jurnalist Grem Beyli xabar bermoqda.
Vaziyatdan xavbekni sotib olishni o‘ylayotgan "Manchester Yunayted", "Tottenxem" va "Nyukasl" foydalanib qolishi mumkin. Neveshning transferi yanvar oyidayoq amalga oshishi ehtimoli yo‘q emas, ammo bu bosqichda yozgi transfer ehtimoli ko‘proq.
Bu mavsumda Nevesh barcha musobaqalarda to‘rtta o‘yinda maydonga tushdi va bitta gol urdi. Futbolchining "Al-Hilol" bilan shartnomasi 2026 yilning yarmigacha mo‘ljallangan. Transfermarkt portali futbolchining narxini 25 million yevroga baholamoqda.
