"Bavariya" safida ijara asosida to‘p tepayotgan Londonning "Chelsi" klubi hujumchisi Nikolas Jekson ijara shartnomasi yakunlangach, Myunxen klubida qolishi mumkin. Bu haqda Bild nashri xabar bermoqda.

Manbaga ko‘ra, angliyalik futbolchi allaqachon "Bavariya" rahbariyati bilan 5 yillik mehnat shartnomasini kelishib olgan. Ijara shartnomasiga ko‘ra, Jeksonni sotib olish summasi 65 mln yevroni tashkil qiladi.

Joriy mavsumda Nikolas Jekson "Bavariya" safida uchta o‘yinda maydonga tushdi, biroq samarali harakat qilishga ulgurmadi. Hujumchi jamoasi 12 ochko bilan Germaniya chempionati turnir jadvalida birinchi o‘rinda bormoqda.