Aleksandr Xomyakov boshqaruvidagi “Buxoro” O‘zbekiston kubogi yarim finalida “So‘g‘diyona”dan (3:2) ustun keldi.
Natijada klub o‘z tarixida ilk marotaba ushbu turnir finalida qatnashadi.
Rossiyalik mutaxassis esa ikkinchi bor Andijondagi finalda g‘oliblik uchun o‘z jamoasini boshlab boradi.
Bunga qadar Xomyakov “Andijon” klubi bilan O‘zbekiston kubogi finalida “Navbahor”ni yengib, tarixiy g‘alabani qo‘lga kiritgandi.
Eslatib o‘tamiz, “Paxtakor” va “Buxoro” o‘rtasidagi final bellashuvi Andijondagi "Bobur Arena" stadionida o‘tkaziladi.
