O‘zbekiston yengil atletika federasiyasining navbatdan tashqari hisobot-saylov konferensiyasi bo‘lib o‘tdi. Unda tashkilotga yangi bosh kotib saylanib, odob-axloq va taftish komissiyalari tarkibi qayta shakllantirildi.
Mazkur tadbirda Sport vazirligi, Milliy Olimpiya qo‘mitasi va federasiya mutasaddilari, terma jamoa murabbiylar shtabi ishtirok etdi.
Konferensiya davomida delegatlar tomonidan federasiyaga yangi bosh kotib saylandi. Unga ko‘ra, Yengil atletika bo‘yicha Respublika oliy sport mahorati maktabi direktori Dilshod Avazov ushbu lavozimni egalladi.
Shuningdek, kun tartibiga muvofiq, odob-axloq va taftish komissiyalari tarkibi, federasiya ustavining yangi tahriri ham tasdiqlandi.
