"Bavariya" Bundesligada mavsumni boshlashda qiyinchilik sezmayapti. Vensan Kompani jamoasi chempionatning barcha beshta o‘yinida g‘alaba qozonib, jami 22 ta gol urdi va atigi uchta gol o‘tkazib yubordi. Bu klub tarixidagi 5 turdan keyingi eng yaxshi natijadir.
Juma kuni "Bavariya" o‘z maydonida "Verder"ni tor-mor etdi (4:0). Xarri Keyn dubl qayd etgan bo‘lsa, Luis Dias va Konrad Laymer bittadan gol urdi.
Bundesliganing o‘tgan mavsumida myunxenliklar 82 ochko bilan 1-o‘rinni egallab, 2-pog‘onadagi "Bayer"ni 13 ochkoga ortda qoldirgandi.
"Bavariya"ning chempionatdagi keyingi raqibi "Ayntraxt" hisoblanadi. O‘yin keyingi shanba, 4 oktyabr kuni bo‘lib o‘tadi.
