"Бавария" Бундеслигада мавсумни бошлашда қийинчилик сезмаяпти. Венсан Компани жамоаси чемпионатнинг барча бешта ўйинида ғалаба қозониб, жами 22 та гол урди ва атиги учта гол ўтказиб юборди. Бу клуб тарихидаги 5 турдан кейинги энг яхши натижадир.

Жума куни "Бавария" ўз майдонида "Вердер"ни тор-мор этди (4:0). Харри Кейн дубль қайд этган бўлса, Луис Диас ва Конрад Лаймер биттадан гол урди.

Бундеслиганинг ўтган мавсумида мюнхенликлар 82 очко билан 1-ўринни эгаллаб, 2-поғонадаги "Байер"ни 13 очкога ортда қолдирганди.

"Бавария"нинг чемпионатдаги кейинги рақиби "Айнтрахт" ҳисобланади. Ўйин кейинги шанба, 4 октябрь куни бўлиб ўтади.