"Kristal Pelas" markaziy himoyachisi Mark Gexi qishki transfer oynasida "Liverpul"ga o‘tmaydi.
"Burgutlar" sardori yanvar oyidayoq boshqa klublar bilan bemalol muzokara olib borishi mumkin, chunki uning amaldagi shartnomasi kelasi yozda tugaydi.
Jurnalist Pol Joysning so‘zlariga ko‘ra, "Liverpul" bu qishda Gexini o‘ziga jalb qilmaydi, chunki klub tez orada erkin agentga aylanadigan futbolchi uchun katta pul to‘lashni rejalashtirmayapti.
Hatto Jovanni Leonining yaqinda olgan jarohati ham "qizillar"ning pozisiyasiga ta’sir qilmadi.
