"Inter Mayami" hujumchisi Lionel Messi klub bilan yangi shartnoma imzoladi. Jurnalist Nikolo Skiraning yozishicha, bitim allaqachon tuzilgan - faqat rasmiy tasdiqni kutish qolgan. Taxminlarga ko‘ra, 38 yoshli futbolchining yangi mehnat shartnomasi 2026 yilning oxirigacha mo‘ljallangan bo‘lib, bitimda 2027 yilning dekabriga qadar uzaytirish imkoniyati mavjud.
Lionel Messi 2023 yilning yozidan beri "Inter Mayami" sharafini himoya qilmoqda. Joriy mavsumda argentinalik futbolchi Xavyer Maskerano jamoasi safida barcha musobaqalarda 39 ta o‘yinda maydonga tushib, 32 ta gol va 14 ta assistni o‘z hisobiga yozdirib qo‘ydi. Forvardning amaldagi shartnomasi joriy yil oxirida o‘z nihoyasiga yetadi.
