"Интер Майами" ҳужумчиси Лионель Месси клуб билан янги шартнома имзолади. Журналист Николо Скиранинг ёзишича, битим аллақачон тузилган - фақат расмий тасдиқни кутиш қолган. Тахминларга кўра, 38 ёшли футболчининг янги меҳнат шартномаси 2026 йилнинг охиригача мўлжалланган бўлиб, битимда 2027 йилнинг декабрига қадар узайтириш имконияти мавжуд.
Лионель Месси 2023 йилнинг ёзидан бери "Интер Майами" шарафини ҳимоя қилмоқда. Жорий мавсумда аргентиналик футболчи Хавьер Маскерано жамоаси сафида барча мусобақаларда 39 та ўйинда майдонга тушиб, 32 та гол ва 14 та ассистни ўз ҳисобига ёздириб қўйди. Форварднинг амалдаги шартномаси жорий йил охирида ўз ниҳоясига етади.
