Hujumkor yarim himoyachi Pedro Fernandes "Barselona"ning asosiy jamoasidagi debyutini yakshanba kuni La Liga doirasida "Real Sosyedad"ga qarshi o‘tkazdi.

Yosh futbolchi "ko‘k-anorranglilar" safida asosiy tarkibda maydonga tushdi va tanaffusda uning o‘rnini Dani Olmo egalladi.

"Men juda baxtliman, bu aql bovar qilmaydi. Avvaliga boshlang‘ich tarkibda o‘ynashimni aytishganida ishonmagandim. Lekin endi xotirjamman. Jamoadoshlarim va murabbiy menga mashg‘ulotlarda qilinadigan ishlarni qilishni maslahat berishdi. To‘g‘risini aytsam, o‘yin davomida o‘zimni ishonchli his qildim, go‘yo bu mening birinchi o‘yinim emasdek. Endi kelajakda o‘yin amaliyotiga ega bo‘lish uchun ishlashda davom etishim kerak," - deydi "Dro" laqabi bilan tanilgan Pedro Fernandes intervyuda.