Ҳужумкор ярим ҳимоячи Педро Фернандес "Барселона"нинг асосий жамоасидаги дебютини якшанба куни Ла Лига доирасида "Реал Сосьедад"га қарши ўтказди.
Ёш футболчи "кўк-анорранглилар" сафида асосий таркибда майдонга тушди ва танаффусда унинг ўрнини Дани Ольмо эгаллади.
"Мен жуда бахтлиман, бу ақл бовар қилмайди. Аввалига бошланғич таркибда ўйнашимни айтишганида ишонмагандим. Лекин энди хотиржамман. Жамоадошларим ва мураббий менга машғулотларда қилинадиган ишларни қилишни маслаҳат беришди. Тўғрисини айтсам, ўйин давомида ўзимни ишончли ҳис қилдим, гўё бу менинг биринчи ўйиним эмасдек. Энди келажакда ўйин амалиётига эга бўлиш учун ишлашда давом этишим керак," - дейди "Дро" лақаби билан танилган Педро Фернандес интервьюда.
