"Manchester Yunayted"ning sobiq futbolchisi Ueyn Runi mankunianliklarning Ruben Amorim qo‘l ostidagi istiqbollari haqida gapirdi.
"Qizil iblislar" faxriysi APLdagi muvaffaqiyatsiz startdan keyin portugaliyalik mutaxassis jamoa o‘yinini yo‘lga qo‘yishiga ishonmayapti.
"Amorim hali yosh murabbiy. Uning kelajagi porloq. Chin dildan umid qilamanki, u vaziyatni o‘zgartira oladi. Ammo mendan "U buni qila olishiga ishonasizmi?" deb so‘rashsa, ko‘rganlarimdan keyin bunga ishonmayman," - dedi ekspert The Wayne Rooney Show podkastida.
Angliya chempionatining 6 turidan so‘ng "Manchester Yunayted" 7 ochko jamg‘argan holda turnir jadvalida 14-o‘rinda bormoqda.
