"Манчестер Юнайтед"нинг собиқ футболчиси Уэйн Руни манкунианликларнинг Рубен Аморим қўл остидаги истиқболлари ҳақида гапирди.
"Қизил иблислар" фахрийси АПЛдаги муваффақиятсиз стартдан кейин португалиялик мутахассис жамоа ўйинини йўлга қўйишига ишонмаяпти.
"Аморим ҳали ёш мураббий. Унинг келажаги порлоқ. Чин дилдан умид қиламанки, у вазиятни ўзгартира олади. Аммо мендан "У буни қила олишига ишонасизми?" деб сўрашса, кўрганларимдан кейин бунга ишонмайман," - деди эксперт The Wayne Rooney Show подкастида.
Англия чемпионатининг 6 туридан сўнг "Манчестер Юнайтед" 7 очко жамғарган ҳолда турнир жадвалида 14-ўринда бормоқда.













