Belarus yoshlar terma jamoasi (U-16) ustozi Dmitriy Chaley III MDH o‘yinlarida O‘zbekiston U-16 jamoasiga qarshi o‘yin (2:1) borasida o‘z fikrini bildirdi.

— Biz raqib bilan tanishmiz — bu juda baquvvat va yaxshi shakllangan jamoa, unda yorqin futbolchilar bor. Shuning uchun uchrashuv oson kechmasligini kutgandik. Qolaversa, biz uch kunda ikkinchi o‘yinni o‘tkazdik, ular esa bizga qarshi debyut qilishdi. Umuman olganda, birinchi taym biz uchun yaxshi o‘tdi: mashg‘ulotlarda tayyorlagan narsalarni o‘yinda amalga oshira oldik, ikki gol urdik va uchinchi golni ham kiritish imkoniyatiga ega bo‘ldik.

Ikkinchi taymda kuchimiz tugay boshladi, pressingda shunday yuqori sur’atni saqlab qolish qiyin bo‘ldi. O‘zbeklar esa aksincha ikkinchi nafasni topishdi — bu ularning ilk uchrashuvi bo‘lgani uchun ancha tetik ko‘rindi va hisobni tenglashtirishni istashdi. Ular o‘yinda o‘zgarish qildi va yanada tajovuzkor harakat qila boshladi. Biz ularni to‘xtatishga urindik. O‘ylaymanki, himoyada yomon ishlamadik. Asosan, darvozamiz oldida xavfli vaziyatlar yuzaga kelmadi, ammo bosim juda katta bo‘ldi. So‘nggi 10-15 daqiqa umuman pastki blokda “o‘tirishga” to‘g‘ri keldi. Faqatgina qo‘shimcha vaqtda o‘zbeklar bir golni urishga muvaffaq bo‘lishdi: to‘g‘ridan-to‘g‘ri jarima zarbasidan.

G‘alabaga qaramay, o‘yindan keyin yoqimsiz taassurot qoldi. Undan tashqari, shu gol ham salbiy hissiyotlar qo‘shdi. Albatta, musobaqa reglamentidan ko‘p jihatlar kelib chiqadi. Masalan, qur’a natijalariga ko‘ra endi bizga ko‘p narsa bog‘liq emas: kamida 3-o‘rin uchun kurashamiz. Guruhimizdagi Rossiya — O‘zbekiston uchrashuvi natijalarini, boshqa kvartetda esa Ozarbayjon — Qirg‘iziston o‘yini natijasini kutyapmiz. Shu o‘yinlarning yakunlari biz birinchi yoki uchinchi o‘rin uchnu kurashishimizni va qaysi jamoa raqib bo‘lishini belgilab beradi.

Hozir jamoa rejasida tiklanish turibdi. Keyingi o‘yinga tayyorgarlik ko‘ramiz. Va, albatta, yigitlarni shu g‘alaba bilan tabriklayman!