"Arsenal" himoyachisi Vilyam Saliba klub bilan yangi shartnoma imzolaganidan keyin hissiyotlari bilan o‘rtoqlashdi.
30 sentyabr kuni londonliklar 24 yoshli fransuz bilan kelishuvni 2030 yilgacha uzaytirganini e’lon qildi. Avvalgi shartnoma 2027 yilda o‘z nihoyasiga yetar edi.
"Men o‘zim bilan faxrlanaman, chunki birinchi marta 2019 yilda shartnoma imzolaganman, endi esa, 2025 yilda hamon shu yerdaman va uni uzaytiryapman. O‘zimni uydagidek his qilyapman. Bizda yaxshi jamoa, yaxshi tarkib, yaxshi xodimlar bor. Murabbiy menga juda mos keladi, shuning uchun bu men uchun eng yaxshi joy.
Hozir men baxtliman, lekin 100 foiz emas, chunki biz ko‘proq ish qilishimiz kerak. Biz chempionlikni qo‘lga kiritishimiz kerak, chunki biz shuni xohlaymiz va klub ham shuni istaydi," - deya Salibning so‘zlarini keltiradi "Arsenal" matbuot xizmati.
Saliba "Arsenal" safida 2019 yildan buyon to‘p tepib kelmoqda. U jamoa safida jami 140 ta o‘yinda maydonga tushib, 7 ta gol urgan va 3 ta golli uzatmani amalga oshirgan. Transfermarkt portali uning bozor narxini 80 million yevroga baholamoqda.
