"Арсенал" ҳимоячиси Вильям Салиба клуб билан янги шартнома имзолаганидан кейин ҳиссиётлари билан ўртоқлашди.

30 сентябрь куни лондонликлар 24 ёшли француз билан келишувни 2030 йилгача узайтирганини эълон қилди. Аввалги шартнома 2027 йилда ўз ниҳоясига етар эди.

"Мен ўзим билан фахрланаман, чунки биринчи марта 2019 йилда шартнома имзолаганман, энди эса, 2025 йилда ҳамон шу ердаман ва уни узайтиряпман. Ўзимни уйдагидек ҳис қиляпман. Бизда яхши жамоа, яхши таркиб, яхши ходимлар бор. Мураббий менга жуда мос келади, шунинг учун бу мен учун энг яхши жой.

Ҳозир мен бахтлиман, лекин 100 фоиз эмас, чунки биз кўпроқ иш қилишимиз керак. Биз чемпионликни қўлга киритишимиз керак, чунки биз шуни хоҳлаймиз ва клуб ҳам шуни истайди," - дея Салибнинг сўзларини келтиради "Арсенал" матбуот хизмати.

Салиба "Арсенал" сафида 2019 йилдан буён тўп тепиб келмоқда. У жамоа сафида жами 140 та ўйинда майдонга тушиб, 7 та гол урган ва 3 та голли узатмани амалга оширган. Transfermarkt портали унинг бозор нархини 80 миллион еврога баҳоламоқда.