Машҳур инглиз ҳаками Энтони Тейлор 47 ёшида ҳакамлик фаолиятини тугатганини эълон қилди.
"Элита даражасида ҳакамлик қилиш жуда катта шараф эди, аммо босим ниҳоятда кучли эди ва текширув доимий эди. Шунинг учун ҳозир нафақага чиқиш ва ҳаётимдаги кейинги бобни интиқлик билан кутиш учун энг яхши вақт", - деди Тейлор.
Энтони Тейлор ҳакамлик фаолиятини 2002 йилда бошлаган ва 831 та ўйинда ҳакамлик қилган. Англиялик ҳакам 2022 ва 2006 йилги Жаҳон чемпионатларида, шунингдек, 2024 йилги Европа чемпионатида ҳакамлик қилган. Унинг фаолиятидаги сўнгги ўйин 2026 йилги Жаҳон чемпионатининг 1/8 финал босқичида Испания ва Португалия ўртасидаги ўйин бўлди. Тейлор шунингдек, 2020 йилда "Бавария" ва "Севиля" ўртасидаги УЕФА Суперкубоги ўйинида ва 2023 йилда "Севилья" ва "Рома" ўртасидаги Европа Лигаси финалида ҳакамлик қилган.
