"Milan" va "Inter" "San-Siro" stadioni bo‘yicha qo‘shma bayonot bilan chiqdi. Klublar shahar kengashi qaroridan mamnun ekanliklarini ma’lum qilishdi. Xabaringiz bor, stadion va unga tutash hudud klublarga 197 million yevroga sotilgan edi. Tasdiqlangandan so‘ng, bitim yaqin oylarda rasmiylashtiriladi.
"Bu klublar va shahar kelajagi uchun tarixiy va muhim qadamdir," - deyiladi bayonotda.
"Milan" va "Inter" jamoalar o‘ynaydigan yangi stadionni qurish jarayoniga ishonch va mas’uliyat bilan yondashmoqda.
Avvalroq "San-Siro" stadioni buzilishi xabar qilingandi. Klublar 2031 yilgacha bu yerda 71,5 ming o‘rinli yangi arena qurishni rejalashtirmoqda. Loyiha qiymati 1,2 milliard yevroni tashkil etadi.
