"Милан" ва "Интер" "Сан-Сиро" стадиони бўйича қўшма баёнот билан чиқди. Клублар шаҳар кенгаши қароридан мамнун эканликларини маълум қилишди. Хабарингиз бор, стадион ва унга туташ ҳудуд клубларга 197 миллион еврога сотилган эди. Тасдиқлангандан сўнг, битим яқин ойларда расмийлаштирилади.
"Бу клублар ва шаҳар келажаги учун тарихий ва муҳим қадамдир," - дейилади баёнотда.
"Милан" ва "Интер" жамоалар ўйнайдиган янги стадионни қуриш жараёнига ишонч ва масъулият билан ёндашмоқда.
Аввалроқ "Сан-Сиро" стадиони бузилиши хабар қилинганди. Клублар 2031 йилгача бу ерда 71,5 минг ўринли янги арена қуришни режалаштирмоқда. Лойиҳа қиймати 1,2 миллиард еврони ташкил этади.
