"Manchester Yunayted" Premyer-liga turnir jadvalida 14-o‘rinda borayotgan jamoadan qoniqish hosil qila olmayapti. Ruben Amorimga bosim o‘tkazilmoqda, biroq u yaqin orada ishdan bo‘shatilmaydi.
"Old Trafford"da Amorim hali ham mavsumni o‘zgartirishga qodirdek his qilishmoqda," - deyiladi Daily Mail sahifalaridagi xabarda.
Manbaga ishonadigan bo‘lsak, Amorim hali ham klub xo‘jayini Jim Retkliff tomonidan qo‘llab-quvvatlanmoqda. Qolaversa, "Manchester Yunayted"da hatto zaxira nomzodlar ro‘yxati ham tuzilmagan, garchi bunday mish-mishlar paydo bo‘lgan bo‘lsa-da. "Qizil iblislar" bosslari bu mish-mishlardan norozi.
"Manchester Yunayted" navbatdagi o‘yinini 4 oktyabr kuni Premyer-ligada "Sanderlend"ga qarshi o‘tkazadi.













