"Bavariya" Chempionlar Ligasi umumiy bosqich 2-turidan o‘rin olgan "Pafos"ga qarshi bahsda g‘alaba qozondi - 5:1.
Nemislar safida Xarri Keyn dubl qayd etgan bo‘lsa, Rafael Gerreyru, Nikolas Jekson va Maykl Olise bittadan gol urdi. Mezbonlarning yagona goliga Mislav Orsich mualliflik qildi.
"Bavariya" 6 ochko bilan Chempionlar ligasi umumiy turnir jadvalida birinchi o‘ringa chiqib oldi. "Pafos" 1 ball bilan 27-qatorga joylashadi.
Turnirning navbatdagi o‘yinida Germaniya jamoasi o‘z maydonida "Bryugge"ga (22 oktyabr), Kipr klubi esa safarda "Qayrat"ga (21 oktyabr) qarshi bahs olib boradi.
Chempionlar ligasi, 2-tur
30.09.2025, seshanba, 23:59
Pafos - Bavariya - 1:5
Gollar: Keyn, 15 (0:1). Rafael Gerreyru, 20 (0:2). Djekson, 31 (0:3). Keyn, 34 (0:4). Orshich, 45 (1:4). Olise, 68 (1:5)
Pafos: Mixail, Goldar, David Luiz (Langa, 59), Lyukkassen, Shunich, Pepe, Pileas (Sema, 79), Jaja (Bassauamina, 59), Dragomir (Kina, 66), Orshich, Anderson Silva (Dimata, 59)
Bavariya: Noyer, Upamekano (Ta, 72), Kim Min Dje, Rafael Gerreyru, Laymer (Bishof, 83), Kimmix, Pavlovich, Keyn (Boe, 64), Dias (Gnabri, 46), Olise (Karl, 72), Djekson
Ogohlantirish: Orshich, 46
