"Barselona" sport direktori Deku himoyachi Andreas Kristensen bilan shartnomani uzaytirish haqida gapirdi.
"U "Barselona"dagi birinchi mavsumini ajoyib o‘tkazdi, ammo keyin jarohatlar unga jiddiy ta’sir ko‘rsatdi. Kristensenda bu mavsum qanday o‘tishini ko‘ramiz. O‘shanda gaplashamiz. U ajoyib o‘yinchi," - dedi Deku Mundo Deportivo nashriga.
Kristensen 2022 yilda "Barselona"ga o‘tgan. U joriy mavsumda barcha musobaqalarda 6 ta o‘yinda maydonga tushdi.
29 yoshli futbolchining kataloniyaliklar bilan shartnomasi kelasi yilning iyun oyida yakuniga yetadi. Transfermarkt portali himoyachining narxini 12 million yevroga baholamoqda.
