"Барселона" спорт директори Деку ҳимоячи Андреас Кристенсен билан шартномани узайтириш ҳақида гапирди.
"У "Барселона"даги биринчи мавсумини ажойиб ўтказди, аммо кейин жароҳатлар унга жиддий таъсир кўрсатди. Кристенсенда бу мавсум қандай ўтишини кўрамиз. Ўшанда гаплашамиз. У ажойиб ўйинчи," - деди Деку Mundo Deportivo нашрига.
Кристенсен 2022 йилда "Барселона"га ўтган. У жорий мавсумда барча мусобақаларда 6 та ўйинда майдонга тушди.
29 ёшли футболчининг каталонияликлар билан шартномаси келаси йилнинг июнь ойида якунига етади. Transfermarkt портали ҳимоячининг нархини 12 миллион еврога баҳоламоқда.
