"Galatasaroy" forvardi Viktor Osimxen Chempionlar Ligasi umumiy bosqichidan o‘rin olgan "Liverpul"ga qarshi o‘yindan so‘ng o‘z fikrlarini bildirib o‘tdi.
Uning 16-daqiqada penaltidan kiritgan goli istanbulliklarga minimal hisobda g‘alaba keltirdi - 1:0. Futbolchining ta’kidlashicha, bunday raqib ustidan g‘alaba jamoaning birdamligi va muxlislarning qo‘llab-quvvatlashi tufayli qo‘lga kiritilgan.
«Men uchun "Galatasaroy" dunyodagi eng yaxshi jamoa. Muxlislar doim mening nomimni aytib hayqirishadi va ular tufayli men yaxshiroq o‘ynayman», - deya futbolchining so‘zlarini keltiradi Goal.
Chempionlar ligasining navbatdagi turida turk grandi Norvegiyaning "Budyo-Glimt" klubiga qarshi maydonga tushadi.
