Xabaringiz bor, O‘zbekiston Respublikasi Prezidentining 2024 yil 20 dekabrdagi “Kurash milliy sport turini rivojlantirish va ommalashtirishni yangi bosqichga olib chiqish chora-tadbirlari to‘g‘risida”gi qaroriga muvofiq o‘zbek, rus va ingliz tillarida “Kurash” ilmiy-ommabop elektron jurnali chop etish belgilangan.
Ushbu qaror ijrosi doirasida ijodiy guruh tomonidan ushbu jurnalning ilk soni tayyorlanib, nashr etildi.
Jurnalda soha fidoyilarinig tabriklari, dil so‘zlari, kurash sport turida ulkan yutuq va marralarni zabt etib kelayotgan polvonlar va kurash malikalari haqida qiziqarli maqola, suhbatlar, musobaqa va turnirlar haqida yangiliklar o‘rin olgan.
O‘ylaymizki, ushbu jurnal kurash sportiga qiziqadigan barcha yutdoshlarimizga va butun dunyodagi kurash muxlislariga eng dolzarb ma’lumotlarni taqdim etib boradi.
