Хабарингиз бор, Ўзбекистон Республикаси Президентининг 2024 йил 20 декабрдаги “Кураш миллий спорт турини ривожлантириш ва оммалаштиришни янги босқичга олиб чиқиш чора-тадбирлари тўғрисида”ги қарорига мувофиқ ўзбек, рус ва инглиз тилларида “Кураш” илмий-оммабоп электрон журнали чоп этиш белгиланган.
Ушбу қарор ижроси доирасида ижодий гуруҳ томонидан ушбу журналнинг илк сони тайёрланиб, нашр этилди.
Журналда соҳа фидойилариниг табриклари, дил сўзлари, кураш спорт турида улкан ютуқ ва марраларни забт этиб келаётган полвонлар ва кураш маликалари ҳақида қизиқарли мақола, суҳбатлар, мусобақа ва турнирлар ҳақида янгиликлар ўрин олган.
Ўйлаймизки, ушбу журнал кураш спортига қизиқадиган барча ютдошларимизга ва бутун дунёдаги кураш мухлисларига энг долзарб маълумотларни тақдим этиб боради.
