"Fulxem" o‘z saytida hujumchisi bilan shartnomani uzaytirgani haqida ma’lumot joylashtirdi. Rodrigo Munis 2030 yilning o‘rtalariga qadar mo‘ljallangan mehnat shartnomasini imzoladi.

"Fulxem" Munisni 2021 yilning yozida "Flamengo"dan sotib olgan edi. Bir yil o‘tgach, braziliyalik ijara asosida "Midlsbro"ga yo‘l oldi va u yerda mavsumni o‘tkazdi. "Fulxem" safida Rodrigo 104 ta o‘yinda maydonga tushib, 27 ta gol urgan va sheriklariga 4 ta golli uzatmani amalga oshirgan.

Olti turdan so‘ng "Fulxem" Premyer-liga turnir jadvalida 11-o‘rinni egallab turibdi. Marko Silva jamoasi chempionatning navbatdagi o‘yinini 3 oktyabr, juma kuni safarda "Bornmut"ga qarshi o‘tkazadi.