"Фулхэм" ўз сайтида ҳужумчиси билан шартномани узайтиргани ҳақида маълумот жойлаштирди. Родриго Мунис 2030 йилнинг ўрталарига қадар мўлжалланган меҳнат шартномасини имзолади.
"Фулхэм" Мунисни 2021 йилнинг ёзида "Фламенго"дан сотиб олган эди. Бир йил ўтгач, бразилиялик ижара асосида "Мидлсбро"га йўл олди ва у ерда мавсумни ўтказди. "Фулхэм" сафида Родриго 104 та ўйинда майдонга тушиб, 27 та гол урган ва шерикларига 4 та голли узатмани амалга оширган.
Олти турдан сўнг "Фулхэм" Премьер-лига турнир жадвалида 11-ўринни эгаллаб турибди. Марко Силва жамоаси чемпионатнинг навбатдаги ўйинини 3 октябрь, жума куни сафарда "Борнмут"га қарши ўтказади.
