"Tottenxem" yarim himoyachi Rodrigo Bentankur bilan shartnomani uzaytirdi.
Urugvaylik 28 yoshli futbolchi bilan avvalgi kelishuv 2026 yilning iyunigacha amal qilar edi. Yangi muddatga aniqlik kiritilmadi, faqat u uzoq muddatli deb ko‘rsatildi.
"O‘zimni juda yaxshi his qilyapman va bu ajoyib klubda o‘z hikoyamni davom ettirishdan xursandman. Oilam baxtli. Har kuni astoydil ishlaydigan ajoyib do‘stlarim va jamoadoshlarim bor. Men bu klubni yaxshi ko‘raman va bu yerda o‘zimni juda yaxshi his qilaman.
Yevropa Ligasidagi g‘alaba fantastik lahza bo‘ldi va biz bu muvaffaqiyatni yanada rivojlantirib, ko‘proq sovrinlarni qo‘lga kiritishni istaymiz. Bizda yangi bosh murabbiy, yangi sardor bor va men klubda yana ko‘p yillar o‘tkazmoqchiman," - dedi xavbek.
2022 yil yanvar oyida "Yuventus"dan "Tottenxem"ga o‘tganidan so‘ng, Bentankur London klubi safida 122 ta o‘yinda maydonga tushib, 9 ta gol urgan.
