"Chelsi" ustozi Enso Mareska jamoaning joriy mavsumdagi o‘yinlari haqida gapirdi. Ayni paytda "aristokratlar" Premyer-liga turnir jadvalida sakkizinchi o‘rinni egallab turibdi.
"O‘ylaymanki, o‘yin va natijalar borasida juda yaxshi boshladik. Keyin esa ba’zi ochkolarni qo‘ldan boy berdik, lekin biz allaqachon sabablarni tahlil qilib bo‘ldik. Ochkosiz qolgan aksariyat o‘yinlarda qizil kartochka sabab hammasi juda qiyin kechdi. Albatta, jarohatlar bilan bog‘liq vaziyatni ham inobatga olish kerak - hozirda sakkiz nafar futbolchimiz safdan chiqqan. Shunday qilib, bir qancha sabablar mavjud. Ammo asta-sekin natijalar kelishiga shubhamiz yo‘q," - dedi Mareska jurnalistlarga.
Shanba kuni "Chelsi" "Liverpul"ni qabul qiladi.
