"Челси" устози Энцо Мареска жамоанинг жорий мавсумдаги ўйинлари ҳақида гапирди. Айни пайтда "аристократлар" Премьер-лига турнир жадвалида саккизинчи ўринни эгаллаб турибди.
"Ўйлайманки, ўйин ва натижалар борасида жуда яхши бошладик. Кейин эса баъзи очколарни қўлдан бой бердик, лекин биз аллақачон сабабларни таҳлил қилиб бўлдик. Очкосиз қолган аксарият ўйинларда қизил карточка сабаб ҳаммаси жуда қийин кечди. Албатта, жароҳатлар билан боғлиқ вазиятни ҳам инобатга олиш керак - ҳозирда саккиз нафар футболчимиз сафдан чиққан. Шундай қилиб, бир қанча сабаблар мавжуд. Аммо аста-секин натижалар келишига шубҳамиз йўқ," - деди Мареска журналистларга.
Шанба куни "Челси" "Ливерпуль"ни қабул қилади.
