"Manchester Siti" bosh murabbiyi Pep Gvardiola qamalni yorib o‘tish va falastinliklarga gumanitar yordam yetkazish uchun G‘azo sektori tomon yo‘l olgan "Ozodlik flotiliyasi"ni qo‘llab-quvvatlashga chaqirmoqda.
Kataloniyadagi Falastin jamiyati va boshqa bir qator jamoat arboblari tomonidan tarqatilgan videoda Gvardiola shunday dedi:
"Biz minglab bolalar allaqachon halok bo‘lgan va yanada ko‘proq bolalar xavf ostida bo‘lgan haqiqiy qirg‘inni kuzatib turibmiz.
G‘azo vayron bo‘ldi, tumonat odam boshpanasiz, oziq-ovqatsiz, suvsiz, dori-darmonsiz qoldi.
Faqat uyushgan fuqarolik jamiyati hayotlarni saqlab qolishi va hukumatlarni qat’iy harakat qilishga majbur qilishi mumkin".
