"Манчестер Сити" бош мураббийи Пеп Гвардиола қамални ёриб ўтиш ва фаластинликларга гуманитар ёрдам етказиш учун Ғазо сектори томон йўл олган "Озодлик флотилияси"ни қўллаб-қувватлашга чақирмоқда.
Каталониядаги Фаластин жамияти ва бошқа бир қатор жамоат арбоблари томонидан тарқатилган видеода Гвардиола шундай деди:
"Биз минглаб болалар аллақачон ҳалок бўлган ва янада кўпроқ болалар хавф остида бўлган ҳақиқий қирғинни кузатиб турибмиз.
Ғазо вайрон бўлди, тумонат одам бошпанасиз, озиқ-овқатсиз, сувсиз, дори-дармонсиз қолди.
Фақат уюшган фуқаролик жамияти ҳаётларни сақлаб қолиши ва ҳукуматларни қатъий ҳаракат қилишга мажбур қилиши мумкин".
