"Napoli" bosh murabbiyi Antoni Konte 2025/2026 yilgi mavsumda klub o‘zi uchun noodatiy vaziyatga tushib qolganini tan oldi.
Uning so‘zlariga ko‘ra, jamoa bir necha frontda kurashishga tayyor bo‘lmasligi mumkin.
Eslatib o‘tamiz, neapolliklar A Seriyadan tashqari Italiya kubogi va Chempionlar ligasida ham kurash olib bormoqda. Kontening ta’kidlashicha, jamoaga tarkib sifati yetishmasligi mumkin, deb xabar beradi TuttoNapoli.
"Napoli" 6 turdan so‘ng 15 ochko bilan Italiya chempionati turnir jadvalida peshqadamlik qilmoqda. Ammo ikkinchi pog‘onada borayotgan "Roma" ham shuncha ochko jamg‘argan.
"Napoli" amaldagi mamlakat chempioni hisoblanadi. Chempionlar Ligasida Konte jamoasi "Manchester Siti"ga mag‘lub bo‘ldi (0:2) va Lissabonning "Sporting" klubini mag‘lub etdi (2:1).













