"Наполи" бош мураббийи Антони Конте 2025/2026 йилги мавсумда клуб ўзи учун ноодатий вазиятга тушиб қолганини тан олди.
Унинг сўзларига кўра, жамоа бир неча фронтда курашишга тайёр бўлмаслиги мумкин.
Эслатиб ўтамиз, неаполликлар А Сериядан ташқари Италия кубоги ва Чемпионлар лигасида ҳам кураш олиб бормоқда. Контенинг таъкидлашича, жамоага таркиб сифати етишмаслиги мумкин, деб хабар беради TuttoNapoli.
"Наполи" 6 турдан сўнг 15 очко билан Италия чемпионати турнир жадвалида пешқадамлик қилмоқда. Аммо иккинчи поғонада бораётган "Рома" ҳам шунча очко жамғарган.
"Наполи" амалдаги мамлакат чемпиони ҳисобланади. Чемпионлар Лигасида Конте жамоаси "Манчестер Сити"га мағлуб бўлди (0:2) ва Лиссабоннинг "Спортинг" клубини мағлуб этди (2:1).
