Fransiya terma jamoasi bosh murabbiyi Didye Desham 30 yoshli yarim himoyachi Adriyen Rabyoning "Marsel"dan "Milan"ga o‘tishini olqishladi.
"Psixologik va sport nuqtai nazaridan Adriyen hozir eng yaxshi holatda, chunki u o‘z klubi uchun bir qator o‘yinlarda maydonga tushdi va ularni haqiqatan ham juda yaxshi o‘tkazdi. Hozir u "Milan"da biroz boshqacha sxemada o‘ynamoqda, lekin undan nima kutayotganimni biladi. Sentyabrdagi yig‘inga kelganida ikki hafta o‘ynamadi. Hozir u uchun ham, biz uchun ham vaziyat yaxshilandi," - deya Deshamning so‘zlarini keltiradi Football Italia.
15 avgust kuni "Marsel"ning "Renn"ga qarshi o‘yinidan so‘ng jamoa kiyinish xonasida Adriyen Rabo va Jonatan Rou o‘rtasida janjal kelib chiqdi. Klub har ikki futbolchini transferga qo‘ydi - ingliz "Bolonya"ga yo‘l oldi, fransuz esa faoliyatini "Milan"da davom ettiradigan bo‘ldi.
