Франция терма жамоаси бош мураббийи Дидье Дешам 30 ёшли ярим ҳимоячи Адриен Рабьонинг "Марсель"дан "Милан"га ўтишини олқишлади.

"Психологик ва спорт нуқтаи назаридан Адриен ҳозир энг яхши ҳолатда, чунки у ўз клуби учун бир қатор ўйинларда майдонга тушди ва уларни ҳақиқатан ҳам жуда яхши ўтказди. Ҳозир у "Милан"да бироз бошқача схемада ўйнамоқда, лекин ундан нима кутаётганимни билади. Сентябрдаги йиғинга келганида икки ҳафта ўйнамади. Ҳозир у учун ҳам, биз учун ҳам вазият яхшиланди," - дея Дешамнинг сўзларини келтиради Football Italia.

15 август куни "Марсель"нинг "Ренн"га қарши ўйинидан сўнг жамоа кийиниш хонасида Адриен Рабо ва Жонатан Роу ўртасида жанжал келиб чиқди. Клуб ҳар икки футболчини трансферга қўйди - инглиз "Болонья"га йўл олди, француз эса фаолиятини "Милан"да давом эттирадиган бўлди.