"Real" va Fransiya terma jamoasi hujumchisi Kilian Mbappe "Vilyarreal"ga qarshi o‘yinda (3:1) o‘ng to‘pig‘i bog‘lamlarining cho‘zilishidan so‘ng tiklanish kursini o‘tmoqda, deb xabar bermoqda Marca.
Manba ma’lumotlariga ko‘ra, 26 yoshli futbolchi milliy jamoa tibbiyot xodimlari va Madrid klubi shifokorlari nazorati ostida birgalikda davolanmoqda.
Mbappe Fransiya terma jamoasining birinchi umumiy mashg‘ulotida ishtirok etmadi, unga fizioterapiya va sport zalida yengil mashqlar bajarish buyurildi.
Kilian sardorlik qilayotgan Fransiya terma jamoasi 10 oktyabr kuni 2026-yilgi Jahon chempionati saralash bosqichi doirasida Ozarbayjon terma jamoasiga qarshi o‘yin o‘tkazadi.
